Арабияда узундугу 5 чакырым алтын чынжыр жасалды

Бириккен Араб Эмираттарында узундугу 5,52 чакырым болгон алтын чынжыр жасалды. Жакынкы күндөрдө аталган зер буюм "Гиннесстин рекорддор китебине" киргизилет. Бул тууралуу 6-январда чет элдик басылмалар жазып чыгышты.

Маалыматка караганда, чынжырдын салмагы 256 килограмм, баасы 6 миллион доллардан ашат. Муну жасоого 100 адам 45 күн иштеп, жасоо учурунда чынжыр бир нече жолу үзүлгөн. Аны Дубайдагы алтын сатылган базардан көрүүгө болот. Ал эң узун алтын чынжыр катары "Гиннесстин рекорддор китебине" киргизилгенден кийин аны бөлүктөргө бөлүп сата башташат. Ар бир зер буюмга атайын код коюлуп, аны 50 162 сомдун тегерегинде сатып алууга болот. Буга чейин 1999-жылы дал ушул өлкөдө узундугу 4,28 чакырым алтын чынжыр жасалган.