Өкмөт жооп берет: Мугалимдерге жыл соңунда кошумча айлык (13-айлык) берилеби?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Мугалимдер мурда айлыкты директордун колунан алышчу. Азыр болсо банк картасы менен алып калышкан. 2014-жылдын декабрынын аягында бардык мугалимдерге “13-айлык” деп, карталарга көп акча которулган. Бардык мугалимдер абдан кубанычта. Сурайын дегеним, эмне үчүн мурда директордун колунан айлык алганда Жаңы жылдын алдында мугалимдерге “13-айлык” берилбей келген же бул өзгөрүү биздин улуу урматтуу президентибиздин иштегенинин жыйынтыгыбы? Суроо калтырган jass00.

Жооп: - Жалпы билим берүү мекемелеринин кызматкерлерине эмгек акы төлөөнүн шарттарында "13-айлык" жок. Жалпы билим берүү уюмдарынын кызматкерлерине эмгек акы төлөөнүн шарттарында түрткү берүүчү фонд түзүлгөн. Анын 10 пайызы бюджеттик каражаттын эсебинен, 10 пайызы жалпы билим берүү уюмдарынын структурасын, окуу пландарын оптималдаштыруунун натыйжасында арткан каражаттардын эсебинен. Түрткү берүүчү фонд ар квартал сайын төлөнөт. Ал эми карточка менен төлөө КРнын Өкмөтүнүн 2012-жылдын 14-майынын 289/5/1-токтому менен жүргүзүлөт.