Бишкекте "өспүрүмдү тоногон" деп шектелген жаран кармалды

Борбор калаада "өспүрүмдү күч колдонуу менен тоногон" деген шек менен шаардын тургуну кармалды. Бул тууралуу бүгүн, 26-январда Бишкек ШИИББинен билдиришти. Маалыматка ылайык, милицияга арыз менен К.Мелис аттуу жаран кайрылган. Анда ал 6-январь күнү саат 19:00 чамасында Весёлая көчөсүнөн белгисиз жаран М.Жаныбек аттуу жашы жете элек өспүрүмгө күч колдонуу менен анын 17 миң сомдук уюлдук телефонун алып кеткенин айткан. КРнын Кылмыш-жаза кодексинин 167-беренеси (тоноо) боюнча кылмыш иши козголуп, кылмышка шектүү катары 24 жаштагы С.Азамат аттуу жаран кармалды. Учурда ал убактылуу кармоочу жайга жайгаштырылып, бул иш боюнча иликтөө жүрүүдө.