Бишкекте жарандарды китеп окууга чакырган "Окуган троллейбус" аттуу акция өтүүдө

Бүгүн, 28-январда Бишкекте “Окуган троллейбус” аттуу акция өтүүдө. Биринчи жолу өткөрүлүп жаткан бул акция №11-троллейбустун маршруту менен саат 09:30да эски автобекеттен башталды. Акциянын жүрүшүндө Жибек Жолу, Манас кең көчөлөрү, Ахунбаев көчөсү тууралуу маалымат берилди. Троллейбустун жүргүнчүлөрүнө адабий китептер таратылып, бир канча китептин бет ачары болду. Акциянын максаты - китеп окууну жайылтуу, шаардагы китепканалар тууралуу буклеттерди тапшыруу, жүргүнчүлөргө жол жүрүү учурунда адабий китептерди таратуу.