Депутаттар коррупция менен күрөшүү боюнча Экономикалык кылмыштарга каршы күрөшүү кызматынын маалыматын угушту

Парламенттин Коррупцияга каршы күрөшүү комитети 2-февралда Экономикалык кылмыштарга каршы күрөшүү кызматынын жогорку окуу жайлардагы 2014-окуу жылында абитуриенттерди кабыл алуулардын мыйзамдуулугун текшерүүсүнүн жыйынтыгын укту. 

Аталган кызматтын төрагасы Бактыбек Аширов маалымат берди. Текшерүүлөр Ж.Баласагын атындагы Кыргыз улуттук университетинде жана Кыргыз-орус билим берүү академиясында жүргүзүлгөнү айтылды. Абитуриенттерди кабыл алуу үчүн акча суралганы тууралуу маалыматтар түшкөнү менен, эч ким арыз жазбаганы, ошондуктан эч кандай кылмыш иши ачылбаганы айтылды. 

Маалыматка ылайык, 2014-жылы билим берүү системинде аталган кызмат тарабынан 18 кылмыш иши козголгон.