Панфилов районунда 45 жаштагы жаран "өз апасын бычак менен коркутуп карактаган" деп шектелүүдө

Панфилов районунда каракчылык фактысына шектелген жаран кармалды. Бул тууралуу бүгүн, 5-февралда Чүй облустук ички иштер башкы башкармалыгынан билдиришти.

Маалыматка караганда, милиция кызматкерлерине 63 жаштагы жаран кайрылган. Анда ал өзүнүн Элнарбек аттуу баласы бычак менен коркутуп, баалуу буюмдарын алып кеткенин айткан. Бул боюнча иликтөө иштери жүрүп, кылмышка шектүү катары 45 жаштагы К.Элнарбек кармалган. Учурда ал убактылуу кармоочу жайга киргизилип, “каракчылык” беренеси боюнча кылмыш иши козголду.