Чаткалда алтын казган кытайлык ишкананы карактагандар соттолушту

Чаткалда алтын казган кытайлык ишкананы карактагандар соттолушту. Бул тууралуу бүгүн, 7-февралда Ички иштер министрлигинен билдиришти.

Маалыматка караганда, бул окуя 2014-жылдын 6-сентябрынан 7-сентябрга караган түнү болгон. Анда “Фонта” алтын казуучу ишканасына бет кап кийген эки адам келип, күзөт кызматкерин атып, 5 килограммдан ашык алтынды алып кетишкен. Бул боюнча иликтөө иштери жүрүп, кылмышка шектүү катары 1981-жылы туулган Совет Абдыракманов жана 1979-жылы туулган Бунед Закиров кармалган. Ал эми 24-декабрда Чаткал райондук соту Закировду 13 жылга, Абдыракмановду 10 жылга эркинен ажыраткан. Учурда кылмышка шектүү үчүнчү жаран Идирис Саидов издөөдө жүрөт.