Жадыраган жазым сен элең,
Жандай көрүп сүйөм дечү элең.
Жаркыраган айдай периштем,
Түбөлүктүү бактым сен элең.

Кайырма:
Сүйүү менден узап кетерин,
Бир жүргөндө баркын сезбедим.
Сүрөтүңө карап олтуруп,
Ойноп-күлгөн күндү мен эстедим.

Кара көздүү сулуу кыз элең,
Сүйүүм менин калпыс түш беле?
Табыштырган жазгы сүйүүбүз,
Күздө кетер келгин куш беле?

Кайырма:

Ошол күндөр өттү билинбей,
Эрте соолгон жаздын гүлүндөй.
Бакыт тилеп сага аргасыз,
Жашап келем, бирок түңүлбөй.

Кайырма: