Кыргыз кинематографиясынын мамлекеттик агенттиги мыкты сценарийлерге “Ак конуш” аттуу сынак жарыялады. Сынак быйыл белгиленчү кыргыз киносунун 79 жылдыгына арналат. Кыргыз дүйнөсү тууралуу мыкты сценарийлер 15-январдан 15-февралга чейин кабыл алынат.
Кино изилдөөчү Гүлбара Төлө­мүшеванын айтымында, сынакты 3 наам боюнча өткөрүү каралган.Толук метраждуу көркөм фильмдин сценарийи үчүн: 1-орун – 50 миң сом, 2-орун – 30 миң сом, 3-орун – 20 миң сом. Кыска метраждуу жана документалдуу фильмдер үчүн сценарийдин баш байгеси 15 миң сом. Сынактын жыйынтыгы май айында чыкмакчы. Сценарийлер Төлөмүш Океев атындагы киностудияда кабыл алынат.