Бир бүркүм... ӨКМӨТ ФЕВРАЛДАН ТАРТА НАСЫЯ БЕРЕТ...

Супер-Инфо / Саясат

Бир бүркүм... ӨКМӨТ ФЕВРАЛДАН ТАРТА НАСЫЯ БЕРЕТ...

№430 28-январь - 3-февраль, 2011-жыл

“Ата Мекен” фракциясы Орусиянын өкмөт башчысы Владимир Путиндин ысымын Кыргызстандагы чокуга ыйгарууга каршы чыкты.
Реформадан кийин стажы жок мугалимдер 7800 сом айлык аларын өкмөт башчы Алмазбек Атамбаев айтты.
Айыл чарба министри Төрөгул Беков Кытай өкмөтү Кыргызстандын 260ка жакын трактор сатып алуусуна кайтарымсыз 5 миллион доллар грант бөлөрүн билдирди.
“2011-жылдын республикалык бюджети жөнүндө” мыйзам долбооруна ылайык, быйылкы жылдын казынасынын таңсыктыгы
21 миллиарддан ашуун сомду түздү.
Ушул эле мыйзам долбоордогу маалымат боюнча, бюджеттин кирешеси 67 миллиард сомдон туруп, ал былтыркы жылга салыштырмалуу 16 миллиард сомго чейин көбөйөт.
Улутташтырылган 47 объектинин ичинен 38и майдын аягында аукциондо сатыкка коюларын Мамлекеттик менчик министрлигинин өкүлү Даир Кенекеев айтты.
Эмгек министри Алмасбек Абытовдун айтымында, 1-февралдан тарта өкмөт 10 пайыздык кредит алуучуларга насыя бере баштайт.
Эл аралык “International Living” журналы жашоонун сапаты боюнча Борбор Азиянын ичинен биринчиликти Кыргызстан илип кеткенин жарыялады. Андан сырткары биздин өлкө экологиясы таза жана Борбор Азиянын мамлекеттеринин арасында эң эркин деп аталды.
“Фермерлерге жеңил кредит” долбоору боюнча 9 пайыздык чекти 7 пайызга түшүрүү депутаттар тарабынан каралды. “Айыл Банк” ААКсы өкмөттүн чечимине ылайык, 1 миллиард сом көлөмүндөгү каражатты фермерлерге 9 пайыздан насыя катары берип келет.
ЖКнын «ата журтчу» депутаты Нурзат Осмонова мандатын өз ыктыяры менен тапшырды.
Президент Роза Отунбаева 30-январда Казакстандын президенти Нурсултан Назарбаевге жолугуу үчүн Астана шаарына иш сапары менен барат.

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..

Рейтинг: