Мурдагы Энергетика министри Сапарбек Балкыбеков эл Бакиевдерди издеп кымгуут түшүп жатканда эле из жашырган болчу. Ошол киши Ирландиянын Дублин шаарында Интерпол борбордук бюросу тарабынан колго түшүрүлгөндүгү белгилүү болду. Эскерте кетсек, апрель окуясынан кийин экс-президент Курманбек Бакиевдин тушунда иш алып барган аткаминерлердин катарында ал дагы эл аралык издөөгө жарыяланган. Ал “Электр станциялары” ААКсын жетектеп турганда мамлекеттик казынага материалдык зыян көрсөткөндүгү үчүн айыпталууда. Башкы прокуратура аны Кыргызстанга экстрадициялоо маселесин карап жатат.
Айтмакчы, УӨ эл аралык издөөгө жарыялангандарды кармоого жардам бергендерге 100 миң долларга чейин сыйлык берерин билдирген.