Коомдук-экологиялык мөңгүлөрдү сактоону максат туткан “Мөңгү” фондусу өткөн аптада жоон топ журналисттерди топтоп, күнүмдүк саясий маселелерден алыстатып, өлкөнүн экологиялык маселелери боюнча талкуу уюштурду. Фонддун президенти Үрүстөм Кабылбеков: “Барган сайын дүйнөдө таза суу азайып бараткандыктан, баасы айрым өлкөлөрдө бензинден да кымбат турат. Ал эми Кыргызстан бул жагынан чоң пайда таба алат, анткени таза суунун запасы биздин аскалуу тоолордо жайгашкан мөңгүлөрдө жатат”,- дейт.
Маалымат үчүн: Кыргызстандын аянтынын 95 пайызынан ашуунун тоолор түзөт. Акыркы 20-30 жылда биздин мөңгүлөрдүн аянты 30 пайызга чейин азайган. Өлкөбүз таза суунун запасы боюнча дүйнөдө алдыңкы мамлекеттердин бири.