ЖКнын депутаты Карганбек Самаков 1-3-февраль күндөрү АКШнын президенти Барак Обаманын сый тамагына катышты. Депутат АКШдагы ЮНЕСКО уюмунун башчысы Филипп Криделка менен да жолугуп, Кытайдын арызы боюнча “Манас” эпосунун Дүйнөлүк мурас тизмесине кошулганын туура эмес деди. “Биз Кытайдын маданиятты коргоо аракетин сыйлайбыз. Бирок жоголуп бара жаткан эпос иретинде “Манасты” Кытайдын сактап калышынын зарылчылыгы жок. Анткени Кыргызстан өз эпосун сактап калуу үчүн бүт күч-аракетин жумшайт”,- деп айтты “ата мекенчи”.