“Азыр кечиктирбей чара көрбөсөк, апрелдин аягы, майда биздин бюджетибиздин таш-талканы чыгат”,-дейт ЖКнын “ата мекенчи” депутаты Равшан Жээнбеков. Эл өкүлү бул кебин “жакында 3-революция болот” деген имиштерге таяп эмес, өлкөнүн бүгүнкү абалынан улам айтып отургандагы кербези.
“Кадимки эттин бир килосу 300 сомго чыгып жатканда “мугалимдердин айлыгын 30 пайызга жогорулаттык” деп кубануунун өзү күлкүлүү. Мугалимдер 1040 сом айлыкка чыдап иштеп жаткан чакта өлкө башчысы 120 000 сомдун тегерегинде айлык алат. Президенттин функцияларын кыскартып, коопсуздук маселесин камсыз кылат деп чектелгенине карабастан, жумшалуучу чыгымга былтыркыдан да чоң сумма бөлүнүүдө. Мисалы, былтыр президенттик институтка бюджеттен 606 миллион сом бөлүнсө, быйыл 829 миллион 512 миң сом каралды. Эмне үчүн?”- деп суроо салат.
Эл өкүлүнүн курч суроолорго такаган маеги келерки санда.