10-февраль күнү “Ата Мекен” партиясынын лидери Өмүрбек Текебаев криминал чөйрөсү менен күрөшүүнүн артынан сот структурасын реформалоого киришишерин айтты. “Учурда бул тармакты тазалап, андан кийин жаңылоо үчүн 6 мыйзам долбоорунун үстүнөн иштеп жатабыз”,- деди ал. Өмүрбек мырза бүгүнкү күндө экономиканын өнүгүшүнө паракорчулук, уюшкан кылмыштуулук жана адилетсиз соттор тоскоол кылып жатканын баса белгиледи. “Бизде сотту жумушка алардан мурун анын жети атасына чейин териштирип чыгууга муктаж болгон абалга келдик”,- деди “ата мекенчи”. Андан сырткары Бишкек шаарындагы “Ысык-Көл” мейманканасын Адилет Сот сарайы деп атап, ошол имаратка Жогорку Сотту көчүрүүнү сунуштады.