“Ар-намыс” партиясынын депутаты Турсунбай Бакир уулу мамлекеттик символду сыйлабагандар үчүн кылмыш жоопкерчилигин киргизүүнү көтөрүп чыкты. Анын айтымында, Мамлекеттик гимн аткарылып жаткан учурда баш кийим чечпей, ордунан турбай койгондор жоопкерчиликке тартылышат. Бирок улуттук ак калпак үчүн уруксат берилет. “Анткени кыргыздар жакшы-жаман күндө дагы калпагын чечкен эмес. Мыйзамды бузгандар 1 жылга чейин эркинен ажыратылып же чоң айып пулга жыгылсын”,- дейт ал.