Экс-президент Курманбек Бакиевдин тушунда Президенттин Катчылыгынын башчысы кызматын аткарган Оксана Малеванаянын орун басары Максим Каганер аз убакыттын ичинде белгилүү болууга жетишкен gezitter.kg сайтын түптөгөн болчу. Бирок өткөн аптада сайттын колдонуучулары түшүнүксүз жагдайга туш болушту. Сайттын баракчасына Максим Каганердин кайрылуусу илинип, сайт башка кожоюнга өткөрүлгөнү жазылган. Узун кулактар «бул маалымат булагына кысым көрсөтүлгөн» деп айтышууда.