Бир бүркүм... ПЕНСИЯ ЖОГОРУЛАЙТ...

№435 4-10-март, 2011-жыл

• Бишкектин автожолдорун оңдоо үчүн Кытай 25-30 миллион доллар жеңилдетилген насыя бермей болду.
• Кыргызстан менен Өзбекстандын ортосунда 12 талаш жер участоктору бар.
• Өлкөдөгү жалпы алкоголь ичимдиктеринин 65 пайызы көмүскө рынокто сатылат.
• Жаратылыш газынын баасы эл үчүн 24 тыйынга арзандады. Ал эми коммерциялык жана бюджеттик ишканалар үчүн 25 тыйынга кымбаттаган.
• Нарын облусу кыш мезгилинде малга кол салган карышкырлардын кесепетинен 4 миллион сом зыян тарткан.
• “Манас” эл аралык аэропорту” ААКсынын бир жылдык таза кирешеси 703 миллион сомду түзгөн.
• 2011-жылдын январь айында Кыргызстан Швейцария менен Бириккен Араб Эмираттарына 104 миллион доллар турган баалуу металл экспорттогон.
• Таш-Көмүр шаарында казакстандык “Авинен” химиялык заводу курулмакчы.
• 3-март күнү КРнын Мамлекеттик желегинин кабыл алынганына карата Бишкек шаарында жаштар жүрүш жасашты. Иш-чараны Жаштар иштери боюнча министрлик уюштурду.

• 2010-жылы электр тармагында 12 578 кырсык болуп өттү.
• 2011-жылдын май айынан тарта пенсия 100 сомдон 600 сомго чейин жогорулайт.
• Энергетика министринин айтуусу боюнча, Токтогул ГЭСинин жана суу сактагычынын баасы 3 миллиард доллар турат.

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..