-
1986-жылдын 26-апрелинде болгон “Чернобыль” АЭСиндеги авариянын 25 жылдыгы белгиленмекчи. Иш-чаранын алкагында өкмөт анын катышуучуларына 15 миң, майып болгондорго 20 миң, каза болгондордун жакындарына 10 миң сомдон бир жолку жөлөк пул берүү чечимин чыгарды.
-
Кыргызстанда 322 адам гемофилия дарты менен катталган. Алардын 40 пайызы жаш балдар.
-
Кылмыштуулук менен күрөшүүдөгү уюштуруучулук роль жергиликтүү бийликтерге өтмөкчү.
-
2011-жылдын 1-апрелине карата Бишкекте 160 миң автоунаа катталып, ал өткөн жылга салыштырмалуу 18 миңге көбөйгөн.
-
Кыргызстандын абактарында өлүм жазасына өкүм кылынган 147 адам отурат.
-
Түркиянын Кызыл Жарым Ай коому менен ЮСАИД Ош облусунун дыйкандарына 220 тонна үрөн беришти.
-
Ысык-Көл облусунда 2011-жылдын 1-январынан тартып 15-апрелине чейин милиция кызматкерлери тарабынан 204 килограмм 547 грамм баңгизаттары алынган.
-
Өлкөбүздө жалпысынан 2050 мечит болсо, аларда 3 миң имам кызмат өтөйт. Ошондой эле 3 Ислам университети, 7 институт, 52 медресе бар. Ислам багытында 3 миңге жакын студент билим алууда.
-
“Кыргызстан Орусияга болгон карызынын 14,3 миллион долларын кайтарып берди”,- деп билдирет КРнын Каржы министрлиги. Буга чейин Кыргызстандын Орусияга болгон карызы 548 миллион долларды түзөрүн, мында 198 миллион доллар мурдагы карыз болсо, 350 миллион доллар 2010-жылы насыя түрүндө алынганын Тышкы иштер министри Руслан Казакбаев билдирген.
-
2010-жылы кыргызстандык мигранттар өлкөбүзгө 1 миллиард 664 миллион доллар которушкан. Анын 90-95 пайызын Орусияда эмгектенген атуулдар жөнөтүшкөн. Эгемендикти алган жылдардан бери Орусия Федерациясынын атуулдугун 270 миң кыргызстандык алган.
-
Кыргызстандын 1 миң 282 айылында таза суу тартыш.
-
Ысык-Көлдөн кармалган балыктардын 90 пайызы Казакстанга экспорттолот.
-
Депуттар Ак үйдүн аурасын тазалаш үчүн өздөрүнүн бир күндүк айлык акысынан 7 кой союп, кан чыгарышты. 7 койдун экөө Балдар үйүнө, дагы экөө мечитке жана Карылар үйүнө бөлүштүрүлдү.
-
ЖКнын төрагасы Ахматбек Келдибеков: «БШК «Бүтүн Кыргызстан» партиясын парламентке өткөрбөш үчүн шайлоонун жыйынтыгын 2 ай бою жарыялаган эмес»,- деди.
0
