Көл кылаасында кы­­­­зыл көйнөкчөн ке­лин тууралуу аңыз бүт Кыргызстанды дүң­гүрөткөнү эсиңиз­де болсо керек. Эми ошол окуяны экрандан көрүү мүм­күнчү­лүгүнө ээ боло­суздар.
Режиссёр Эрнест Абдыжапаровдун мастер-классынан чыккан жигиттердин (Тилек Чериков, Айбек Дайырбеков, Данияр Абдыкеримов, Санжар Абдыжапаров) эмгегинен жаралган тасма чын эле кызыгууну жаратчудай. Тасманын башында титрде “Бул видеоматериал биздин колго капыстан тийди. Учурда бул иш дагы деле тергөөдө. Окуяга тиешелүү адамдардын ичинен бири гана тирүү калып, ал азыр психиатриялык ооруканада. Биз, болгону, видеону монтаждап эл алдына алып чыгууну туура көрдүк” деген маалымат жазылат. Кыргыз киносундагы коркунучтуу тасмалардын катарын бул тасма толуктамакчы. Аталган тасма 14-майдан баштап кинотеатрларда коюла баштайт.