Бир бүркүм... ӨЛКӨБҮЗДҮН ТЫШКЫ КАРЫЗЫ 125 МИЛЛИАРД 500 МИЛЛИОН СОМ...

Супер-Инфо / Саясат

Бир бүркүм... ӨЛКӨБҮЗДҮН ТЫШКЫ КАРЫЗЫ 125 МИЛЛИАРД 500 МИЛЛИОН СОМ...

№445 13-19-май, 2011-жыл

2011-жылга карата өлкөбүздүн тышкы карызы 125 миллиард 500 миллион сомго жеткенин Каржы министринин орун басары Арзыбек Кожошев билдирди.
Нефтетрейдерлер ассоциациясынын төрагасы Жумакадыр Акинеев: “Орусиядан Кыргызстанга күйүүчү майлар, макулдашууга ылайык, бажы салымысыз келип жатат”,- дейт.
Бүгүнкү күндө Кыргызстанда согуштун 1979 жана ооруктун 8380 ардагери бар.
10-майда Кыргызстанда улуттук валютанын жүгүртүүгө чыкканына 18 жыл толду. 1993-жылы 10-майда алгачкы улуттук валюта – 1, 5 жана 20 сомдук банкноттор менен 1, 10 жана 50 тыйындар чыгарылган.
Бишкек шаарында 10-майдан 10-июнга чейин ысык суу убактылуу өчүрүлдү.
7-майда мөндүр аралаш катуу жааган жамгыр Талас облусунун кант кызылчасы жана буурчак себилген 400 гектар айдоо аянтын жууп кетти.
11-майда кечки саат 10дор чамасында 5-каналдын парламенттик кабарчысы Самат Асиповду белгисиз үч адам катуу сабап кеткен.
Жогорку Кеңештин мурунку депутаты, өзбек улуттук-маданий борборунун башчысы Кадыржан Батыровдун соттук иши соттук отурумга анын жактоочулары жана жабыр тарткандар келбей калганына байланыштуу 19-майга жылдырылды. Батыровго «июнь айындагы улут аралык кагылышты уюштурган» деген айып тагылууда.
Ош шаарынын Катта-Сай массивинен 621 кишиге жер тилкеси берилет. Бул үчүн 91 гектар бөлүнгөн.
Бүгүнкү күндө Кыргызстанда кеңсе менеджерлери, ландшафт дизайнерлер, үй жыйноочулар, ошондой эле сатуучуларга талап жогору экендигин Кыргызстандын жаштарынын эмгек биржасынын директору Азис Идрисов билдирди.
Маданият жана маалымат министрлиги Жоомарт Бөкөнбаевдин 100 жылдык мааракесин өткөрүүгө даярдык көрүүдө. Маараке 20-майда Малдыбаев атындагы Кыргыз улуттук академиялык опера жана балет театрында башталат.
Бишкекте 21-май күнү СССРдин Эл артисти, улуу бийчи Бүбүсара Бейшеналиеванын туулгандыгынын 85 жылдыгына карата залкар талантты эскерүү кечеси өткөрүлөт.
Расмий маалыматтар боюнча, Өзбекстанда 250 миңден ашуун кыргыз жашайт.
«Быйыл туристтик сезондо бул тармактан өлкөгө 500 миллион доллар киреше түшүүсү күтүлүүдө»,- дейт Экономикалык тескөө министри Учкун Ташбаев.

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..

Рейтинг: