Быйыл бардык ЖОЖдордогу бюджеттик жана контракттык орундарга абитуриенттер жалпы республикалык тестирлөөнүн жыйынтыгы менен гана кабыл алына тургандыгын Билим берүү министрлиги билдирди. Эми ар бир абитуриент милдеттүү түрдө негизги жана предметтик тесттин бирине катышуусу керек. Ал эми Ички иштер министрлигинин академиясына, Куралдуу күчтөрдүн аскердик институтуна окууга өтөм дегендер тесттен сырткары физикалык даярдык боюнча сыноодон өтүүсү шарт. Тестке катышууга жетишпей калгандар үчүн каттоо жүрүп жатат. Тест тапшыруу 21-майдан баштап 30-майга чейин жүргүзүлөт.