Өткөн жылдын июнь айында чагымчылдардын аракетинен улам кыргыз-өзбек ортосундагы кагылышууда набыт болгон жана дайынсыз жоголгондордун жакындарына 1 миллион сом өлчөмүндөгү жөлөк пул берүү боюнча өкмөт башчы Алмазбек Атамбаев токтомго кол койду. Токтомго ылайык, анда жабыркагандар да 50 миң сомдон жардам алышат.
Июнь окуясын иликтеген эл аралык көз карандысыз комиссиянын жыйынтыгы боюнча алсак, жаңжал учурунда 470 адам каза болуп, алардын 74 пайызы өзбек, 25 пайызы кыргыз улутундагылар болгон. Ошондой эле 2 миңден ашууну жараат алып, ондогон адамдар ушул убакытка чейин дайынсыз. Ошол кезде жаңжалды болтурбай коюу үчүн алдын алуу иштери жасалганда, ансыз деле капчыгы жука өлкө зыян тартмак эмес.