Голливудга эмгеги сиңген атактуулар Даңк аллеясынан орун алышат эмеспи. Бул жолу алардын катарын Вин Дизель, Скарлетт Йохансон, Женнифер Энистон, Кейт Уинслет, Малкольм Макдауэлл сыяктуу актёрлор толуктайт. Ырчылардын ичинен Женнифер Лопес да мындай сыйга татыган. Аталган актёр жана актрисалардын кол издери жана аттары жазылган жылдызчалар 2012-жылы Даңк аллеясынан орун алат. Бул жайда эмгеги сиңген 2400 жылдыздын кол издери калтырылган. Күн сайын бул жайга миллиондогон туристтер келип турушат.