“Бириккен Араб Эмираттарынын борбору – Абу-Даби шаарында «мыйзамдагы ууру» Камчы Көлбаев менен уюшкан кылмыштуу тобунун лидери Алмамбет Анапияев кармалды”,- деп жергиликтүү агенттиктер билдиришет. Эл аралык издөөгө жарыяланган криминалдык башчылар 21-июлга караган түнү колго түшүшкөн. Азыркы тапта Ички иштер министрлиги бул маалыматты тастыктаганы менен, кеңири маалымат берүүнү кечеңдетип жатышат. Ал эми Уюшкан кылмыштуулук жана паракорчулук менен күрөшүү боюнча башкармалыктын начальниги: “Бириккен Араб Эмираттарынын полициясына расмий арыз жөнөтүлдү. Жоопту аларыбыз менен кармалгандарды экстрадициялоону талап кылабыз”,- деди.
Маалымат үчүн: АКШнын президенти Барак Обама дүйнөдөгү эң кооптуу делген «баңгизат падышаларынын» тизмесине 7 адамды, анын ичинде Камчы Көлбаевди да кошкон болчу.