• БШКга президенттикке ат салышуу үчүн 26 талапкерден арыз келип түштү. Анын бешөө партиядан, калган 21и өзүн-өзү көрсөткөндөр.
• Баткен облусунда болуп өткөн жер титирөөнүн жалпы материалдык чыгымы 414 миллион сомду түзөрүн Өзгөчө кырдаалдар министрлиги кабарлайт.
• Оштун мэри Мелис Мырзакматов “Мен издеген чындык” аттуу китеп жазып чыгарды.
• Бишкек-Исфана жана Бишкек-Баткен аба каттамдарынын баасы 300-400 сомго чейин өкмөт тарабынан арзандатылды.
• Кыргызстан он өлкө үчүн визалык режимди жеңилдетти. Анын арасында Индонезия, Чили, Венесуэла жана башка өлкөлөр бар.
• Баткенде зилзаладан зыян тарткандар үчүн 50 миң сомдон акчалай жардам жана 200 миң сомдон үй курууга узак мөөнөттүү ссуда бөлүнө тургандыгын өкмөт башчы Алмазбек Атамбаев билдирди.
• Айдоочуларга жаңы үлгүдөгү күбөлүк бериле баштады. Анын өлкө ичинде жүрүүгө уруксат берилген күбөлүгү мөөнөтсүз болсо, ал эми чет өлкөлөрдө жүрүүчү түрү үч жылдык мөөнөткө белгиленген.
• Өлкө башчысы Роза Отунбаева 2011-жылдын 27-июлунан 7-августуна чейин кыска мөөнөттүк эс алууга чыкты.
• АКШ Кыргызстандын авианавигациялык жабдууларын жаңылоого 30 миллион доллар бөлдү.
• Тигүү ишканаларынын кызматкерлерине социалдык фонддун төлөмү 876 сомдон 427 сомго чейин азайтылды.
• Жогорку Соттун Конституциялык палатасынын судьялыгына арыз тапшырган талапкерлердин саны 30га чукулдады. Тизмеден А.Бекназаров, Б.Табалдиев жана М.Чолпонбаевдин ысымдарын көрүүгө болот.
• Араван районунун «Чарбак» лагери 50гө жакын кароосуз калган жаш балдарды өзүнүн каражаты менен бекер эс алдырууда.
• Кыргыз мамлекеттик университетинин кафедра башчысы дипломдук ишти тапшырууга 2 миң сомдон пара алгандыгы үчүн кармалды.
• «31-август – Эгемендүүлүк күнүнө карата абактан 3 миңден ашуун түрмөдө отургандар бошотулат»,- деп Жазаны аткаруу кызматынын төрага орун басары К.Качкыналиев айтты.
• 26-июль күнү экс-депутат Санжарбек Кадыралиевдин өлүмүнө шектүү делген Алтынбек Итибаевдин жакындары Ош-Эркечтам автожолун тосуп, ошол эле күнү кайрадан ачышты.
• Боом капчыгайынан сууга түшүп кеткен машинадагы эки адамдын сөөгүн издөө үчүн Чүй дарыясынын суусу убактылуу буулган.
• Эл аралык валюта фонду Кыргызстанга 106 миллион доллар насыя берет.
• «Өлкөдө дарактар Ысык-Көл облусунда эң көп кыйылат»,- деп Айлана-чөйрөнү коргоо жана токой чарба агенттигинин директору Биймырза Токторалиев айтты.
• Бишкек шаарында короо шыпыруучулардын саны 31ге өсүп, баары 586 кишини түзүп калды.

Турдугүл Каримова
politika@super.kg