Депутат Исхак Пирматов кайсы бир телеберүүдө Асылбек Текебаевдин дарегине жалаа жапкан болчу. Ушундай эле айыптоолор, адатта, алты миң нуска менен чыккан “Фабула” гезитине 65 миң тираж менен чыгып, өлкө аймагына таратылган. Көп узабай Асылбек Текебаев бул айып боюнча сотко кайрылат. Райондук сотто Асылбек Текебаев утуп чыгып, Исхак Пирматов сот тарабынан 7 миң сомго айыпка жыгылды (кезинде ушундай эле айыптоолор менен бир нече гезитке миллион сомдон айып салынган).
Ошол эле гезитте “Манас” аэропортунун экс-директору Болот Абдрахманов “Ата Мекендин” кадры болгону үчүн партиянын шайлоо фондуна 4 миллион доллар кошкону да айтылган болчу. Жакында аталган гезит Болот Абдрахмановдон кечирим сурап, актап жазып чыкты. Ошондой эле Болот Абдрахманов “Манас” аэропортунун директорлор кеңешине президент болуп дайындалганынан кабар алдык.