“Ата Журт” фракциясынын депутаты Азамат Арапбаев Уюшкан кылмыштуулук жана паракорчулук менен күрөшүү боюнча башкы башкармалыктын кызматкерин сабап салган”,- деп ушул эле ведомствонун начальниги Калыбек Сатыбалдиев билдирди. Бул эл өкүлү өкмөт Орусиядан жалдырап арзан баада алган күйүүчү майды коңшу Тажикстанга ташып, ачыгын айтканда, контрабандачылык менен шугулданып жүргөн шекилдүү. Азамат мырзага таандык “Данур Юг” ЖЧКсынын чоң унаалары күйүүчү май ташып бараткан жеринен кармалат. “Милиционер ЖЧКнын кеңсесине баш бакканда, ал жакта отурган жогорудагы депутат токмоктоого киришет. Азыр кызматкерибиз дарылоодон өтүп жатат”,- деди начальник.
Депутат мунун баарын “карандай калп” деп айтууга жетишип, Калыбек Сатыбалдиев жар салган сөздү четке кагууга колунда жетишерлик документтери бар экенин саймедиреди.
Кулак кагыш: Буга чейин спикер Ахматбек Келдибековдун кабинетинен башталган депутатты сабамай кийин ЖКнын чоң жыйындар залында улантылганы жана “ата журтчулар” Камчыбек Ташиев, Садыр Жапаров менен “республикачы” Алтынбек Сулаймановдун кан жалаган мурду-башы да эсибизде.