Учурда издөөдө жүргөн Ош коогалаңынын номур биринчи «каарманы» Кадыржан Батыров эми эсине келгенби, кыскасы, ЖКнын төрагасы Ахматбек Келдибековдун үстүнөн доо арыз менен Биринчи Май райондук сотуна кайрылыптыр.
Анда Кадыржан мырза Июнь коогалаңын изилдеген парламенттин депутаттык комиссиясы чыгарган бүтүмгө кол койгону үчүн спикер Ахматбек Келдибековду жоопкер деп эсептейт. “Мени күнөөлүү кылып көрсөткөнү үчүн 5 миллион сом төлөсүн” деп Кадыржан Батыров моралдык компенсациясын да бычып коюптур. “Өзү издөөдө жүрсө, кандайча доо арыз менен кайрылып калган?” дейт чыгарсыз. Анын кызыкчылыгын президенттикке талапкерлигин үч жолу коюп, үч жолу алган укук коргоочу Игорь Трофимов коргоодо.