2011-жылдын 30-сентябрында Ж.Баласагын атындагы Кыргыз улуттук университетинин профессорлук-окутуучулук курамынын арасында уюштурулган “Эне тилим жана кесибим” аттуу конкурстун жыйынтык беттешүүсү болду. Кыргыз тилин өнүктүрүү жана жайылтууга багытталган бул таймаш Улуттук опера жана балет театрында өттү. 20 команданын ичинен жарым финалга суурулуп чыккан “Каганат” (тарых жана чөлкөм таануу факультети), “Улутман” (кыргыз филиологиясы факультети), “Хан-Теңири” (Кыргыз-Кытай институту), “Ак таңдай” (Чет тилдер институту) командаларынын ичинен жеңишке “Каганат” 1-орунга татыды. Таймашка катышкан 4 команда тең баалуу белектерге ээ болушуп, демөөрчүлүк көрсөткөндүгү үчүн “Супер-Инфо” гезитинин жетекчилигине да ыраазычылык билдиришти.