Чүй облустук соту Мырзабек Баркыбаев экс-президенттин бир тууганы Ахматбек Бакиевдин апелляциялык арызын карап, соттун өкүмүн күчүндө калтырып, бирок Кыргызстандын 20 жылдык Эгемендүүлүк күнүнө карата мунапыстын негизинде анын өтөө мөөнөтүн үчтөн бирге кыскартты. Эске салсак, Жалал-Абад шаардык соту Бакиевди “массалык баш аламандыкты уюштурган, куралдуу топту түзгөн” деген күнөө боюнча 7 жылга эркинен ажыраткан болчу. Ахматбек мырза УКМКнын убактылуу кармалуучу жайында 1 жыл 2 ай отурганын эске алсак, анда убактылуу жайда отурган бир күн түрмөдөгү үч күн катары эсептелгендиктен, ал түрмөдөн бир жарым жылга жетип-жетпей эркиндикте болуп калат.