Жакынкы аралыкта “Күүгүм” тасмасынын күйөрмандарын маанилүү окуя күтүүдө.Тасманын негизги каармандары болгон Кристен Стюарт, Роберт Паттинсон жана Тэйлор Лотнер Голливуддун тарыхый Grauman`s Chinese Theatre кинотеатрына буттарынын жана колдорунун изин калтыруу мүмкүнчүлүгүнө ээ болушту. Аталган салтанат 2011-жылдын 3-ноябрында болуп, кинотеатрдын атайын сайты түз алып көрсөтмөкчү. Кошумчалай кетсек, 1928-жылдан бери мындай сый-урмат 200дөн ашуун атактууга көрсөтүлгөн.