(Башталышы өткөн сандарда)

Грузия реформалардын негизи катары ачык экономиканы тандап алды. Анын натыйжасында негизги стратегиялык жайларды таанышына же жергиликтүү ишкерге, же көңүлүнө жаккан инвесторго эмес, койгон талаптарына жооп берген инвесторго өздөрү каалаган баага сата алышты.
Башкача айтканда, мамлекеттик жана стратегиялык жайларды кимдин акчасы болсо, ошолорго сатып жатышты. Алсак, чоң мекемелерди чет өлкөлүк инвесторлор, кичинекейлерин жергиликтүү ишкерлер алышты.
Крцанистеги өкмөт резиденциясын 15 миллион долларга америкалык “Basel Group”, “Телекомду” 90 миллион долларга казакстандык “TuranAlem банкы”, “Тбилгазини” 12,5 миллион долларга “Казтрансгаз”, “Тбилцканканалини”, “ЖинвалГЭСти” жана Гардабани шаарындагы суу тазалоочу жайдын баарын швейцариялык “Multiplex Solutions” 85,7 миллион долларга сатып алуу менен алардын калыбына келүүсү жана андан ары өнүгүүсү үчүн
350 миллион долларлык инвестиция жасамай болушту. Бир гана улуттук шарабын менчиктештире алышкан жок.
Албетте, Грузиянын энергетика, көгүлтүр от, айыл чарба, саламаттыкты сактоо жагындагы иштери тууралуу айтсак, макалабызга сыйчудай эмес. Биз ал жасаган иштеринин натыйжасында келип чыккан жыйынтыктарын айтсак. Мисалы, Грузия коррупцияга каршы күрөштө “Transparency International” компаниясынын иликтөөсү боюнча, 2003-жылы 133 мамлекеттин ичинен 124-орунду ээлесе, 2009-жылы 180 мамлекеттин ичинен 66-орунга чыккан. 2003-жылы пенсиянын эң төмөнкү чеги 6,5 долларды түзсө, 2009-жылы эң төмөнкү чеги 48 долларды түзгөн. 2004-2007-жылдардагы экономикалык өсүштүн орточо жылдыгы 9,3 пайызга өскөн. Менчиктештирүү боюнча өзгөрүүлөрдү төмөнкү эки жадыбал аркылуу көрсөтмөкчүбүз: