Быйылкы жылы эле өлкө ичинде болуп өткөн нааразычылык акцияларынын саны миңден ашты. Кээ күндөрү Ак үйдүн тушунан ар талапты койгон түрдүү топторду да кезиктирүүгө болот. 2005-жылы Март окуясынан кийин деле бир-эки жылдай “Ала-Тоо” аянты “зериккен” эмес. Бирок митинг уюштуруунун эрежелери каралып, мыйзам кабыл алынгандан кийин нааразы болгондор акциясын өткөрүү үчүн жай таба албай, мэриядан уруксат күтүү менен убара болушканы эсте.
Мына эми кайрадан ошол кадрлар. Учурдагы бийлик митингдердин негизинде келгени чындык болсо да, азыркы тапта митингчилерди белгилүү бир мыйзамдын алкагына алып келүү аракети жүргүзүлүүдө. Эл өкүлдөрү “митингчилер акциясын өткөрүү тууралуу кабарын 10 күн мурда жергиликтүү бийлик органдарына айтып коюшу керек” дешет.