“Араб революциясы Кыргызстанда болгон төңкөрүштөн улам башталган” деген сөздү Орусиянын премьер-министри Владимир Путин айтып чыкты. Ал муну 7-ноябрда Санкт-Петербургда өткөн Шанхай Кызматташтык Уюмунун башчыларынын отурумунда айткан. “Кудайга шүгүр, Кыргызстандын абалы жакшырып, өз нугуна түшүүдө. Учурда Кыргызстанда жакшы тарапка өзгөрүү болуп, абал турукташууда. Эми Араб өлкөлөрүндө да абал жакшырышына тилектешпиз”,- дейт ал. Ошентип, Путин мырза бизди бир аз чымчып өттү, “дүйнөнү дүрбөлөңгө салган кыргыздар” деп.