МОДАДА КУРТ МЕНЕН ДАРЫЛАНУУ

№473 25-ноябрь - 1-декабрь, 2011-жыл

Америкалык медиктер таң калышууда. Анткени өлкөнүн билимдүү эле атуулдары салттуу эмес дарылоо ыкмасына кайрылып жатышат. Башкача айтканда, мите курттар менен дарыланууну-гельминтотерапияны тандап алышууда. “Дары курттардын” 1 порциясын сатып алуу үчүн коңшу штаттарга же Латын Америкасына чейин барып-келип жаткандар көп.

ЭМНЕДЕН УЛАМ КЕЛИП ЧЫККАН?
Баары Америкада мите курттар менен адамдын иммундук системинин байланышы тууралуу бир нече илимий изилдөөлөр жарыяланганынан башталган. Көрсө, изилдөөчүлөр “адамга иммунитетти басып коюучу курттардын кээ бир түрү жукса, адамдагы аутоиммундук оорулардын өөрчүп кетиши токтошу мүмкүн. Мисалы, бөрү жатыш, миастения, диффуздук богок, Крон оорусу, склеродермия жана башкалар” деп жыйынтык чыгарышыптыр.
Чынында, аталган оорулардын алдында медицина алсыз. Андыктан аутоиммундук ооруга чалдыккандар ошентип курттардан шыпаа издеп жатышат.
Абалдан пайдаланып акча таап калууну көздөгөндөр курттарды жашыруун сатып, акчага маарып жатышат. Мисалы, кээ бир аймактарда 1 порциясы 3 миң долларга чейин чыгууда деген маалыматтар бар.

КАНДАЙ «ДАРЫ КУРТ» МОДАДА?
Модада жумуру анкилостама курттары. Бул адамдын ичке ичегисинде жашап, көбөйүп, ээсинин каны менен тамактанат. 4-8 жыл жашайт. Ургаачысы 1 суткада 5 миңден 25 миңге чейин жумуртка таштайт. 24 сааттан кийин жумурткалар личинкага айланып, жашоолорун баштайт.
Адамдын ичиндеги анкилостамалар аллергияны, дем алуу жана ичеги жолдорунун ооруларын, пневмонияны, плевритти, нерв системинин уулануусун жана башкаларды жаратат.
Америкалыктардын кээ бирлери курттар жаратуучу ооруларды билсе да, “аутоиммундук оорумдан кутуламбы” деген үмүт менен колдонууда.
Басылмаларда курт менен дарылануу тууралуу түрдүү пикирлер жарыяланууда. Ал эми изилдөөчүлөр “биздин изилдөөнүн жыйынтыгын түз кабыл алып, дарыланууга өз алдынча киришкендер туура эмес кылып жатышат. Курт көптөгөн ооруларга, ал тургай өлүмгө алып келүүсү мүмкүн. Биздин планда куртту кантип колдонуп, аутоиммундук оорулардан арылтуу турат. Бул жаатта азыр иштеп жатабыз” дешет.

КУРТТАР КЫТАЙЛЫК ШЫЛУУНДАРДЫ ДА БАККАН
Негизи, курттар шылуундарды көп убактан бери эле багып келет. Мисалы, бир нече жыл катары менен Кытайда арыктатуучу таблеткалар мода болгон. Таблеткалар, албетте, БАДдын атын жамынып сатыкка чыккан. Таблеткалардан ээсин арыктоого жеткирүү менен түрдүү ооруларга чалдыктырган мите курттар чыккан. Андай таблеткалар бир топ өлкөлөргө контрабандалык жолдор менен таркаган. Анын ичинде Кыргызстанга да келиши мүмкүн, бирок тастыкталбаган. Маалыматтарда андай БАДдардын курамында аскарида куртунун да жумурткалары болгон. Булар да ичке ичегини байырлап, мителик кылат. Узундугу 15-40 сантиметрге чейин жетет. Ургаачылары 1 күндө 200 миңге чейин жумуртка таштайт. Курт көптөгөн ооруларды жаратат. Алар ичегиде абдан көбөйүп кеткенде ичегини бууп, эч нерсе өткөрбөй калат. Мындай кезде аларды дары-дармек менен өлтүрүүгө мүмкүн эмес, бир гана операциялык жол менен алып чыгуу керек.
Башка өлкөлөрдөн мурда Кытайдын өзүндө курттун арты менен арыктоо өтө жайылып кеткендиктен, Кытай бийлиги 2010-жылы элди курт менен арыктабоого чакырып, басылмалар курттун зыянын байма-бай жазууга аргасыз болушкан.

Канымжан Усупбекова
densooluk@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..


Рейтинг: Рейтинг  2 
Комментарийлер(8)
28.11.2011. 13:35 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Биздин таанышыбызга жоллуккан.сразу ичпей тышка чыгып келсе,сууга чыланган даарысы курт болуп калган
28.11.2011. 16:14 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
жакында эле теледен коргонбуз,биз бизнесмендин аялы 2000долл.арыктата турган даары сатып алыптыр.1-таблетканы ичкенде андагы личинка тирилип ичиндеги майларды жеш керек экен, анан каалашынча арыктагандан кийин 2-таблетканы ичип ал болсо ошол куртту олтуруш керек экен...тилекке каршы курт ото кучтуулук кылып таблетка таасир этпей олбой калат....ошентип курт чоноюп тиги катындын бооруна өтүп каза болуп кетиптир....ошондуктан көрүнгөн нерсени иче бербегиле! Женщина без
28.11.2011. 17:01 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Мен негизи эле бат толуп, бат арыктайм, диетасы, физический нагрузкасы жок эле. Кудайым берген дене менен журуш керек. ...к берсе деле иче бербей
29.11.2011. 00:24 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
ой ушу кытайлардын ойлобогону жок. Мен дайыма бир калыпта эле журом.....
01.12.2011. 20:17 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
акча учун эмнелерди кана ойлоп табышпайт.
02.12.2011. 18:55 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Молодцы бир калыпта жургондор!
04.12.2011. 10:28 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Rostov-on-Don туура айтасын ))) молодцы
02.02.2012. 16:09 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
ой шумдугун кургурлар...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
К-рор дүйнөсү жана корей тасмалары
Супер-Инфо 20 жашта
Шоу дүйнө
Маданият
Саясат
Иликтөө
Турмуш
Крим-инфо
Спорт
Эробекет
Жан дүйнө
Түркүн дүйнө
Алтын балалык
Укуктук кеӊеш
Илим жана техника
Ден соолук жана сулуулук
Психология жана үй-бүлө
Тиричилик, бизнес
Ашкана сырлары
Жылдыз төлгө
Маалымдама
Көз караш
Эмгек жарчысы
Маалымат-маанайшат порталы 2006-2025 © SUPER.KG
Биздин дарек: Кыргыз Республикасы,
Бишкек шаары, Турусбеков 109/1,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда:
Кирүү
Каттоо