Орусиянын биринчи каналы “Высоцкий. Бар экениңе рахмат” (“Высоцкий. Спасибо, что живой”) тасмасын мыйзамсыз көчүрүп таратып жиберген пираттык сайттарды жоопко тартуу суранычы менен прокуратурага кайрылды. Аталган арызга Биринчи каналдын продюсери Константин Эрнст кол койгон. Эске салсак, аталган фильмдин бет ачары декабрь айынын башында болмок. Андан соң фильмдин негизинде сериал тартылып, аталган каналдан көрсөтүлмөк. Мындан сырткары Константин Эрнст фильмдин продюсерлеринин бири экени белгилүү. Жогорудагы жагдай тасманын сатыкта киреше табуусуна таасирин тийгизеби же жокпу, күтө туралы.