Америкалык режиссёр жана актёр Орсон Уэллстин "Оскар" статуэткасы сатыкка коюлууда. Аукцион 20-декабрда болору маалым. Эске салсак, актёр “Оскар” сыйлыгын “Жаран Кейн” аттуу фильмге сценарий жазганы үчүн алган. Орсон Уэллстин статуэткасы анын кызы тарабынан 2003-жылы аукционго коюлганда америкалык киноакадемия сыйлыктарынын сатылышына караманча каршы чыккан эле. Бирок ага карабай актёрдун кызы статуэтканы бир уюмга сатып жиберген. Эми "Оскар" сыйлыгынын ал статуэткасы ким тарабынан аукционго коюлуп жатканы белгисиз.