Маданият жана маалымат министринин милдетин аткаруучу Нурланбек Шакиев Көз каранды эмес мамлекеттердин шериктештигинин аткаруу комитетинин Ардак грамотасына ээ болду. Аталган грамота министрге КМШ өлкөлөрүнүн ортосундагы маданий-гуманитардык алакаларды өнүктүрүүгө кошкон салымы үчүн ыйгарылган. Ардак грамотаны Москва шаарында өткөн жыйында КМШнын аткаруу комитетинин төрагасынын орун басары Токтасын Бузубаев тапшырып, эл аралык мамилелерди чыңдоого кошкон салымы, буга чейинки аткарган иштери үчүн ыраазычылык билдирди.