Кезинде Жогорку сотту мыкчып отурган Курманбек Осмонов үч жылдан кийин 2007-жылкы парламенттик шайлоодо “Ата Мекендин” жеңип чыккандыгын айтып, ачуу чындыкты мойнуна алды. Муну айтпай деле коймок, бирок “ата мекенчилердин” суроосунан качып кутулуу мүмкүн болбоду. 2008-жылы январда Жогорку соттун төрагасы катары ал 2007-жылы декабрда болуп өткөн парламенттик шайлоонун жыйынтыгын тааныган болчу. Анда “Ата Мекен” Ош шаарында жана Ош облусунда жетиштүү добуш топтой албаган болуп өтпөй калган.
“Мен жаран катары “Ата Мекендин” шайлоодо жеңгенин тастыктайм. Аны буга чейин эки жолу айткам, эми эл алдында ачык айтып отурам”,- деп Курманбек Осмонов кеч болсо да эрдик иш жасады.