“Ата Журт” фракциясынын лидери Камчыбек Ташиевдин "өлкөнүн жетекчилигине улуттун тагдырын ойлогон таза кандуу кыргыз келиш керек" деген билдирүүсү ар тараптуу чабуулга кабылды. Көптөн бери саясат айдыңында көрүнбөй калган врач-нарколог Жеңишбек Назаралиев да бул чабуулга катышты. Ал “титулдук улутту (кыргыздарды айтып жатканы) өзгөчө бөлүп көрсөтүп, ага басым кылбастан, өлкөдө жашаган бардык улуттарга таянуу керек. Биз титулдук улутка таянып жашаган Япония, Кытай, Индияга баары бир жете албайбыз” деген кыязда билдирүүсүн таратты.
Кыргызстандагы улуттарды биринчи, экинчи сорт деп бөлүү оюбуз жок. Ошентсе да Назаралиевдин кардарларынын көпчүлүк бөлүгү башка өлкөнүн жарандары, ошондой эле бизнеси да чет жактарда экенин эске алсак, анын мындай билдирүү таратканына таң калып деле кереги жок.