БЫЙЫЛ СЕЛ КӨП БОЛОТ...

• Абдыганы Эркебаев Улуттук илимдер академиясынын президентинин милдетин аткаруучу болуп дайындалды.
• Эне менен баланы коргоо борборунун директору Камчыбек Узакбаевдин айтымында, кош бойлуу айымдардын 70 пайызы, ар бир экинчи ымыркай аз кандуу.
• 14-апрелде өлкө ичинде “Республика” партиясынын жаштар канаты “Антицеллофан” деген аталышта ишембилик өткөрүшөт.
• Депутат Чолпон Султанбекова Көркөм гимнастика федерациясына президент болуп шайланды.
• Бишкекте 2000ден ашуун коомдук тамактануу жайларын көзөмөлдөө үчүн 12 гана санитар-эпидемиолог калган.
• Өзгөчө кырдаалдар министри Кубатбек Боронов: “Быйыл сел алуу менен жер көчкүнүн саны көбүрөөк болот”.
• Орусиянын Борбордук банкынын маалыматы боюнча, эмгек мигранттары Орусиядан Кыргызстанга 2011-жылы
  1,5 миллиард доллар которгон.
• Жогорку Кеңеш Эмгек кодексине өзгөртүү киргизди. Мындан ары 24-март кызыл күн катары белгиленбейт.