Эл аралык республикалык университеттин буйрутмасы менен “Baltic Surveys/The Gallup Organization” уюму тарабынан өлкө ичинде “Кайсы басылманын саясий кабарына ишенесиз?” деген сурамжылоо өткөрүлүптүр. Анда "басылмалардын арасынан "Супер-Инфо" гезитинин жаңылыктары менен саясий маалыматтарына эң көп ишенем" дегендер алдыга озуп чыгышкан. Андан ат чабым алыста, кийинки орундарды “Вечерний Бишкек”, “Жаңы агым”, “Дело№” ээлеген. Радиостанциялардын ичинде “Азаттык” лидер болуп чыкса, ал эми телеканалдар боюнча КТРК суурулуп чыкты. Айтып кетчү жагдай, 5-канал менен орусиялык телеканалдарга ишеним барган сайын азайып баратат.