ЖОЛ КИРЕ КЫМБАТТАДЫ...

• Алмазбек Акматалиев КРнын Президентинин алдындагы Башкаруу академиясынын ректорлук кызматынан бошотулуп, анын ордуна ЧЫҢГЫЗ ШАМШИЕВ дайындалды.
• Жогорку Соттун судьясы ЖАҢЫЛ АЛИЕВА өз каалоосу боюнча кызматынан кетүү тууралуу экинчи жолу арызы менен кайрылып, кызматынан бошотулду.
• Кыргызстанда БИШКЕК-СЕУЛ аба каттамы ачылат. 29-апрелден баштап каттам жумасына бир жолу учуп турат.
• Бишкек шаарында жол кире акысы 1-майдан тарта кымбаттайт. Мындан ары маршруттук таксиде жүрүүгө 10 сом, автобуска түшсөңүз, 8 сом төлөйсүз.
• 23-апрель күнү Сүрөтчүлөр Союзунун көргөзмө залында "Мамлекеттин интеллектуалдык менчик" фондусу тарабынан уюштурулган жаш сүрөтчүлөр ДИНАРА ЧОКОТАЕВА менен ДИНАРА СОЛТОБАЕВАНЫН “Куурчактардын майрамы” аттуу көргөзмөсү болуп өттү.
• ОШ жана БАТКЕН облустарында катуу сел жүрүп, оорукана, үйлөргө, мектептерге жана мал-жандыктарга зыян алып келди.
• НУРЛАН МОТУЕВ: “Кыргызстандагы орус тилдүү гезиттердин биринен чалышып, сайтында блог (виртуалдык күндөлүк) алып барууну, гезитке блоггер болуп берүүмдү суранышты эле, баш тарттым. Ал гезит эч качан кыргыздын патриот уул-кыздарын колдогон эмес”,- деп билдирди.