Бишкекте Гейдар Алиев атындагы жаңы сейил бак ачылат. Мындай чечимди Кыргызстан менен Азербайжандын Өкмөттөр аралык комиссиясынын жыйынында кабыл алышканын биринчи вице-премьер Аалы Карашев билдирди. “Биз Гейдар Алиевдин атын алган сейил бакты Бишкекке ачуу тууралуу Азербайжан тараптын демилгесин кубануу менен кабыл алдык”,- дейт Аалы мырза.
Сүйлөшүүлөрдүн жүрүшү, албетте, жакшы дейли. Айта кетчү нерсе, "борбордун чок ортосунан сейил бак ачып, анын ысымын ыйгаргыдай Гейдар Алиев Кыргызстан үчүн эмне иш жасады эле?" деген суроо туулат. Кыргыздын не деген азаматтарынын ысымы сейил бак тургай жаман көчөгө ыйгарылбай эле унутта жүрбөйбү?