“Freedom House” Эл аралык бейөкмөт уюмунун изилдөө жыйынтыктары боюнча, Кыргызстанда басма сөз эркиндиги Кудайга шүгүр. Аталган уюм 197 өлкөгө изилдөө жүргүзүп, анда Кыргызстан 155-орунга чыккан. Демилгени уюштуруучулардын айтымында, басма сөз эркиндиги көбүрөөк деген мамлекеттерге Финляндия, Норвегия жана Швеция кирет. Ошентип, изилдөөнүн жыйынтыгы чыгып, Жер шарындагы жашоочулардын 14 пайызы гана эркин басма сөзү бар өлкөдө жашай турганы аныкталды. Ал эми КМШ өлкөлөрүнүн ичинен Армения – 149-орун, Тажикстан – 171, Азербайжан – 172, Казакстан – 175, Беларусь – 193, Өзбекстан – 195, Түркмөнстан 196-орунда турса, акыркы орунду Түндүк Корея ээлеген. Демек, Орто Азия мамлекеттеринин ичинде Кыргызстан алдыңкы орунда. “Freedom House” уюму 1941-жылы негизделип, АКШ өкмөтү тарабынан жана кайрымдуулук фонддор тарабынан каржыланат. 1980-жылдан бери жылына бир жолу дүйнө жүзү боюнча ММКлардын эркиндиги тууралуу доклад жасап келет.