“Мен кереметтүү Ысык-Көлдүн жээгинде Юрмала өткөн сыяктуу эл аралык иш-чараларды уюштурууну кыялданып келем”,- дейт америкалык композитор Жоэль Шпигельман Бишкектеги маалымат жыйынында. Анын айтымында, дал ошондуктан "Тынчтык кесеси" аттуу Эл аралык искусство фестивалын өткөрүү үчүн Ысык-Көлдү тандап алган. Иш-чара залкар жазуучу Чыңгыз Айтматов тарабынан түзүлгөн "Ысык-Көл форумун" улантуучу долбоорго айланат деген пландар бар.