Облустун кээ бир айылдарында 15-16-июнь күндөрү «Жашоо зордук-зомбулуксуз» деген ураан менен маалыматтык кампания өтөт. Бул тууралуу Жаштар, эмгек жана ишке орноштуруу министрлигинин Ысык-Көл облусу боюнча аймактык бөлүмүнүн адиси Ырыскелди Жуманов билдирди. Анын айтымында, бул иш-чаранын максаты – жаштардын карыларга кылган мамилесин оңдоо болуп эсептелет. «Бул долбоор улгайган адамдарга жасаган мамилелерди түздөп, сый- урмат көрсөтүүнү, аларга көңүл бурууну унутпоо керектигин эске салып, облустун аймагындагы бир нече айылдарында өтөт. Иш-чарада сүрөт тартуу боюнча сынактар, спорттук күрөштөр болот» дейт Ы.Жуманов. Эскерте кетсек, «Жашоо зордук-зомбулуксуз» күнү 2006-жылдын 15-июнунан тартып белгилене баш­таган.