КҮЙҮҮЧҮ МАЙ АРЗАНДАДЫ...

• Кыргызстан ЮНЕСКОнун Материалдык эмес маданий мурастар комитетине мүчө болуп кирди.
• Ушул аптага карата Токтогул суу сактагычындагы суунун көлөмү 15 МИЛЛИАРД 568 МИЛЛИОН метр кубду түзөт. Бул көрсөткүч былтыркы жылга караганда 1 миллиард 836 миллион метр кубга аз.
• Бишкекте МЕЛИС ЭШИМКАНОВ атындагы фонд ачылды. Фонд жыл сайын маркумдун туулган күнүнө карата эң мыкты журналисттерге 100 миң сомдон сыйлык тапшырып турат.
• Аз камсыздалган үй-бүлөлөрдүн жөлөк пулу 1-сентябрдан тарта 300дөн 500 СОМГО жогорулайт.
• Алтын чыккан жерлерди иштетүүгө жана “Ысык-Көл” аэропортун реконструкциялоого даяр экенин ИТАЛИЯЛЫК ИНВЕСТОРЛОР билдиришти.
• “Эми мыйзамсыз түрдө жолду тосуп митингдерди уюштургандар 1 МИЛЛИОН СОМДУК айып пулга жыгылат”,- деп Өмүрбек Бабанов билдирди.
• Казакстан Кыргызстанга ТҮРК ПАРЛАМЕНТТИК АССАМБЛЕЯСЫНА төрагалык кылуу милдетин өткөрүп берет.
• Президент Алмазбек Атамбаев “Жалпы аскердик жана альтернативдик кызматтар тууралуу” мыйзамына “аскерге чакыруу курагынын жогорку чегин 27ден 25 ЖАШКА түшүрүлсүн" деген өзгөртүү киргизди.
• СОЧИГЕ олимпиадалык объекттерди курууга архитектура жаатында окуган 25 кыргызстандык студент практикага жөнөтүлөт.
• Туризмди өнүктүрүү сектору билдиргендей, быйыл Ысык-Көлгө 400 МИҢ эс алуучу келери күтүлүүдө.
• Бишкек шаардык Кеңешинин төрагасы болуп АМАНБАЙ КАЙЫПОВ шайланды.
• 14-июнда жүргөн сел агымынан кийин ОШ-НООКАТ жолу убактылуу жабылды.
• Япония кыргызстандыктарга Японияда билим алуу үчүн 2,7 МИЛЛИОН ДОЛЛАР грант бөлүп берет.
• Кыргызстанда 12 МИҢГЕ жакын адам жыл сайын тамекинин кесепетинен каза болуп жатканын Саламаттыкты сактоо министрлиги билдирди.
• Өлкөнүн бардык аймактарында Аи-80 70 ТЫЙЫНГА, ал эми Аи-92 жана Аи-95 күйүүчү майлары 80 ТЫЙЫНГА арзандады.