Нарын облусунун 10-15 жаш курактагы балдарын “Таблиги Жамаат” диний уюму Бангладешке чыгарып кеткенин УКМК билдирди. Азыркы маалда УКМК балдардын Бангладеш Республикасына диний окуу жайлардан билим алуу үчүн кандай шартта жөнөтүлгөнүн текшерүүдө. УКМКнын кызматкерлери Кыргызстандын Билим жана илим министрлиги менен Бангладеш Республикасынын билим берүү мекемелеринин ортосунда мамлекеттер аралык эч кандай келишим жок экенин аныкташты. Министрликте Бангладеште окуган кыргызстандыктар тууралуу эч кандай маалымат да катталган эмес. Баш мыйзамга ылайык, балдар орто билим алган соң гана диний багыттагы жогорку же орто билим алууга укуктуу.